1. माहं साजरं शिवार

कोन्या एका काळी
कधी तरी होतं
माहं ह्यें शिवार
साजरं शिवार

लक्ष्मी वानी माही
घर वाली होती
चारी बी बाजूने
येई हो आबादी

दिस असे आले
नापिकी शेताले
नाही आता घरी
काहीबी खायाले

पाटिलकी असी
असी राहे जी हें
भीक बी कोनाले
मांगता ना येते

नावाचे पाटिल
सारी रया गेली
याद भारी येते
माह्या शिवाराची

साजरं शिवार
यादीत राह्यलं
यादिनं डोळ्यात
टिपं दोन आलं

कई यीन आता
दिस पलटून
फुलेन का कधी
थेवालं हो माहं
साजरं शिवार
माहं साजरं शिवार.....


सुनील जोशी
७/११/२०११