अदृश्य

सुर्यास्ताच्या पडद्याआड
तू झालास साक्षात अग्नी
अन् त्या कुंडात घेतली उडी
मी... मी एकटीनेच

तू, तू होतासच अर्थात
साक्षात अग्नीरुपच् तू
आयुष्य जगलोच आपण
तेव्हा अन् आताही एकत्रच

त्या तरंगांवर दरियाच्या
आयुष्य होतो जगलेलो
खवळलेल्या लाटांवर पण खेळलो
आता शांतवलेल्या त्याच दर्याच्या

अंधारुन आलंय चोहिकडून
आणि त्या काळाच्या पडद्याआड
झालोय आपण अदृष्य जणू...
अर्थात सगळ्या जगासाठी

पण मी आहेच की रें
तुझ्यातच सामावलेले
कुंडात तुझ्या उडी घेउन
दृश्य जगातुन अदृश्य झालेले...

सुनील जोशी
३१ मे २०१६

ग्रहण आणि रूळ

रेलवेच्या रुळान्चा समांतर प्रवास
वर्षानुवर्षे अविरत सदा सुरूच आहे
अगदी सुरुवातीपासूनच त्यांना
एकमेकांना भेटीची आस आहे

सूर्य चन्द्र त्यांच्या तर
खुप आधीपासून आहेत
एकमेकांना भेटण्यासाठी
पाठ शिवणीचा खेळ त्यांचा
युगानुयुगे तसा सुरूच आहे

समोरा समोर जेव्हा येतात ते
तर मधेमधे ती पृथ्वी कडमडते
आणि सामना होण्या आधीच
एकाला ग्रहण लागुन जाते

सगळ होतं मग काळ कुट्ट
जणू लागते की काय त्यांना
एकमेकान्चिच अशी काही दृष्ट

पण आमचे रुळ तसे बरे आहेत
आस ठेवतात एकमेकांच्या भेटीची
पण हव्यास मात्र नसतो त्यात

कारण माहिती आहे त्यांना की
असला हव्यास पडू शकतो महाग
अपघात रूपी ग्रहण लागण्यापेक्षा
असं समंतार धावण बरय की

दुरून दुरून का होईना
एकमेकांच्या नजरेत तर असतो
अंतर ठेवून पण करता येते की
प्रेम ..अगदी युगानु युगे ....

सुनील जोशी
December 20, 2015

हे अन ते जळणे...

जळते ज्योत मंद दिव्याची
जळते अन चिता माणसाची
एक आणिते समाधान मुखावरी
आणि अन एक अश्रू नयनांतरी

दोन्ही जरी क्रिया जळण्याच्या
अन्तर सरळ दिसते जळण्यात ते
असे एक हे जळणे
अन असे एक ते जळणे...

प्रेमाग्नी जळतसे तो हृदयात
अन जाळी विरहाग्नी हृदयास
प्रेमाने जळालेला समाधानी
अन विराहाग्निताला तो दुखी

जळते जरी हृदय दोन्ही ठायी
अन्तर सरळ दिसते जळण्यात ते
असे एक हे जळणे
अन असे एक ते जळणे...

सुनील जोशी

September 9, 2015

 देशभक्ती....

आजकाल 'सीझन्स सेल' सारखी
ती देशभक्ती उफाळून येत असते
बदलत्या रुतुचा अदमास घेत घेत
.
.
.
काल तर रस्त्या रस्त्यावरून
सांडून सांडून वहात होती देशभक्ती
आणी आज एकदम महादुष्काळ
.
.
.
भाषणा जयजयकाराला आधार त्या पुतळ्याचा
कालचा चमकत असलेला तो पुतळा
आज कावळ्यांचे भार वहातोय
.
.
.
आजकाल देशभक्ती सवंग झालीय का?
मला उमाळे येतात तीचे दर सीझनला
उमळणा-या त्या सर्दी पडश्या प्रमाणे ....

.

.

.

आणी मी सुद्धा व्यक्ततो
त्या पडश्यातल्या शिंकरल्या सारखा
पुन्हा पुढच्या सीझनच्या आजारासाठी तत्पर तयार ...

सुनील जोशी
२७/०१/१६

एक खोज

एक खोज खुद की अपनी
भुले भटके खुदकी अपनी

सोचा ढुंढू अपने ही खुदको
उलझ गया ढुंढते मै खुदको

कभी पाया राधा माधव में खुदको
कभी वासना के दलदल में खुदको

कभी सुर वृंदावन की बांसुरी का था
कभी बेसुरां सूर मैफल का मैं था

समझ ना पाया यें या वो मैं था
उलझते हुए ऐसा जीये जा रहा था

आत्मांसे से फिर आवाज वो आयी
उलझन अब मेरी फिर दर हो गयी

मानव मित्र ये भी तू और वो भी तुहीं है
जिंदगी मौज में बस जी लेनी तुझको हैं

सुनील जोशी
२७-०१-२०१६

बेमान आसवें.....

आज माझ्या या उशीचे

रंग का पालटले?
आठवांत रमता तुझिया
गाली आसू ओघळलें

स्वप्न रंगी रंगलेलगंभीर
दिव्य तो सहवास गं
आठवे येता तयाची
वाहे आसवांचा पूर गं

ऐकुनी होतो आम्ही
बेरंग असती आसवें
स्वप्नरंगी रमता तुझिया
रंगली ती आसवें

कळत नकळत मजला
बेमान झाली आसवें
ओघळता त्या उशीवर
सत्य सांडिती ती आसवें

सुनील जोशी
१/२/१६

महिला दिन महिला दीन ….

साजरा करूया महिला दिन
अन् उद्या पासून महिला दीन
खरच करतोय का कदर
आपण आपल्याच प्रतिबिंबाची? ….1

पोळा आणी महिला दिवस,
साजरा करायचा एक दिवस,
आणि उद्याच लावायचं कामाला
परत राबणार्या त्या जीवाला, …..2

जिव्हाळ्याचे चटके लावायचे,
महिलांचा उदो उदो करायचा,
पण त्या समोर जाणार नाहीत
याची काळजी पूर्ण घ्यायची ……3

महिलांचे प्रश्न जमवायचे,
त्या कागदाची घडी घालायची
छान गुंडाळून ठेवून द्यायची
पुन्हा उघडायची पुढच्या वर्षीच …..4

छान मोठी भाषणे करायची,
मोठ्या मोठ्या गप्पा हाणायच्या
आणी दुसऱ्याच दिवसापासून
करायचं सुरू येरे माझ्या मागल्या …5

असा महिला दिन साजरा करायचा
स्वतःच्या पाठीवर थोपटून घ्यायचं
परत पुढच्याच दिवसापासून
बघायची वाट,पुढच्या महिला दिनाची…..6

सुनील जोशी
०८ मार्च २०१६

शोध....

कृष्णास शोधतो मी
राधेस शोधतो मी
डोहात यमुनेच्या या
शोधतो माझा मलाच मी ही

शब्दात शोधतो मी
अर्थात शोधतो मी
कवितेत माझ्या या
शोधतो माझा मलाच मी ही

छंदात बांधतो मी
बंधात कोंबतो मी
अंतरात माझ्या या
कष्टितो माझा मलाच मी ही

शब्दांत हरवलो मी
छंदात ना मी रमलो
कष्टलो फार जरी मी
न माझा मला गवसलो....

सुनील जोशी
०२/०४/२०१६

कृष्णा.....

कृष्णा ,
कधी विचार केलांस का रे?
मधेच असं गोकूळ सोडून
सगळ्यांना रडवून गेलांस की रे....

कृष्णा ,
प्रेम म्हणतात अत्युच्च असते ना रे
अरे या वेड्या राधेचं सोड
मनात यशोदेचा पण विचार नाही आला कां रे

कृष्णा ,
काय मिळवलंस देवा तू रे
मांडून असा सारा खेळ
सगळ्यांना रडवायला आला होतास का रे

कृष्णा ,
ऐकलयं असं की अवतारात
खूप महान कार्य करायची असतात का रे
मग माणसाच्या घरात तो जन्म का घेतो रे

कृष्णा ,
दूर केलस सगळ्यांना किती सहज तू रे
पण मुरलीला मात्र तुझ्या तू
अधरांवर अढळपद दिलंसच की रे.

सुनील जोशी

बाजारका एक फूल हूँ मैं मेरे नसीब का मारा हूँ
डाली से अब टूट गया दर दर भटकता फिरता हूँ

डोली को सजाता हूँ कभी जनाजेंसें लिपट जाता हूँ
प्रभू चरण छूंकर कभी गिडगिडाता हुआ एक फूल हूँ मै.....

खतम् तो उसी दिन हुआं मैं साथ जब छूटां था डालीसें
पर जाने सें पहले खुशबूं बिखेरता चला जाता हूँ मैं ......

जीवन युंही क्षणीक हैं यारों न जानें साथ कब छूटेगां
अंतीम क्षणों तक मगर यारों खुशबूं से नाता नहीं तोडूंगा

रहूं यहां या रहूं मैं वहां रहूं फर्क क्या पडना है
छिन लियें अगर डालीं मेरी खुशबू पर इतराते रहना हैं

सुनील जोशी