कोसळणारा तो पाउस
एक आनंद क्षण
एक लय एक ताल
अन् इकडे श्वासागणिक धाप
अस्वस्थता ........
वर्तमान एक सत्य
भूत भविष्य आभास
एकलेपणाचं भूत
तसलचं काहीसं भविष्य
विसरत चाललोय मी
जगण अन् अनुभवण वर्त्तमान
वसा घेतलाय
माणसं बनवण्याचा, घडवण्याचा...
वसा???.....
वसा निभावतान्ना....
त्रास देतात आठवणीभूतकाळाच्या ....
अन् निष्कारण सतावतात
चिंता भविष्याच्या
स्वताचाच भूतकाळ
भूत बनून मानगुटी बसतोय
आन त्यात विसरून चाललोय
जगण आजचही ....
कळतय मला माझं असं वागण
नासवतय माझा उद्याचा भूतकाळ
काय करू पण ...
समजतं, ..उमजत नाही
ह्यालाच म्हणतात ना ते..
अस्वस्थ वर्तमान ....
जगण्याची अपरिहार्यता ...
की.. की.. आणखीन काही ???
सुनील जोशी
१७/०९/२००९
No comments:
Post a Comment