काय सांगू बाप्पा!!!

हप्ता हप्ता कामासाठी
दौर्यावर थे जातेत...
आन घरी आले का
त्या क्यामप्युटर वर
जावुन बसतेत
घरात कोनी हाय
ह्याची सुध त्याहिले नसते
काय सांगू बाप्पा
हें असे काहुनच वागतेत?

मया मंतो चला
बिग बजाराले जावू
जरासक उलिसक
भटकून बी येवू
तर मन्ते कसे
माही कंबर हाय दुकते ...
आन दोस्ताचा फोन येते
त रात भर उन्डाराले जाते
काय सांगू बाप्पा
हें असे काहुनच वागतेत??

गावभर च्या लोकांशी
फोनवर गुलू गुलू बोलतेत
दुनियादारी साठी लई
टाइम ह्यायिले रहायते
आन मी म्हनलं का
चाल मह्या भैनीकडे जावू
त बुवा वसकन माह्यावर
धावुनच येते .....
काय सांगू बाप्पा
हें असे काहुनच वागतेत???

सुनील जोशी
२७/०९/२००९