तो दिवस....

आणि तो दिवस उजाडला ....

संध्याकाळी परसदारी
सागरगोटे खेळत होते मी एकटीच ...

मधेच तो आला ...
माझ्या बाजुला येउन बसला
आणि वर उडालेल्या बिट्ट्या
हवेतच झेलल्यात वरच्यावर....

खूंखार.... लोचट त्याची नजर ...
माझ्या तोंडून आपसुक निघालं ....
भो ****

त्याच वेळी आईचं ही लक्ष गेलं
ती आतून बाहेर आली ..रागान..तरातरा ...

आणि चिडलेला तो मला चिमटा घेउन
नको त्या ठिकाणी ...
पळुन गेला ...

मी कळवळले ...आणि तितक्यात
आईने ही दिली एक मुस्कटात ...

अन मग मला एकदम जवळ घेतलं
हमसाहमशी रडायला लागली ...

तो दिवस मग कळवळण्यातच गेला...

सुनील जोशी
१८/१२/२००९
क्रमशः