पाऊस

हा पाऊस ना अस्साच असतो
कधी हा धो धो धो धो कोसळतो
कधी अगदी शपथ घेतल्यासारखा
दूरवर कुठेतरी हरवून जातो

हा पाऊस ना अस्सा असतो
कधी आकाशाचा आनंदाश्रु असतो
तर कधी वाट पहाणा-या त्या
शेतकऱ्यांच्या डोळ्यातली करुणा असतो

हा पाऊस ना अस्सा असतो
कधी मनमुराद हसत असतो
आणि कधी कधी नाराज झालेल्या
बायको सारखा रुसून बसलेला असतो

हा पाऊस ना अस्सा असतो
त्याच्या आगमनाने निसर्ग हर्षतो
आणि रुसून बसला तो तर
हसरा निसर्ग ही कोमेजून जातो

हा पाऊस ना अस्सा असतो
हा पाऊस ना अस्साच असतो...

सुनील जोशी
०१-०७-२०१९