ए आठवते तुला??

ए आठवते तुला??
ती संध्याकाळ ..चौपाटी वरची ..
तू आणी मी ... मी आणि तू ..
आपला नेहेमिचाच वाद ..
मग..... निशब्द संवाद ..
मी थोडीशी नर्वस ...
तू बराचसा कातावलेला...
कशी काढू हिची समजूत ..
कधी कळेल हिला ?...
अश्याच कसल्याश्या विवंचनेत ...
हसत खेळत घरातून निघालेलो आपण
आणि आता दोन तोंडं.. दोन दिशांना..
तितक्यात तुला दिसला तो मोगरावाला...
तुझं ते झपझप जाण..
पटकन मोगर्याचा गजरा आणण..
सहजपणे माझ्या केसात तो माळण ...
आणी अलगद डोळे मिटून ...
त्याचा गंध उरात भरून घेण ....
अवघ्या दीड मिनिटान्ची सर्कस ...
अन् मादक त्या सुगंधाने
बघ कशी किमया केली ...
संवाद झाला परत सुरु आपला ..
मुक्या मुक्याने ...


सुनील जोशी
२३/०८/२००९