काय चुकलय माझ?

मी बसलेय मान खाली घालून ...
माहीत नाही काय चुकलय माझ ...

मी ओळखत सुद्धा नव्हते
त्यांना आणी त्यांच्या त्या तसल्या स्पर्शाना...
पण कळत होत आणी नकोसे पण वाटत होत ...

शाळेत जाणारी मी एक अजाण अबोध ....
आता शाळा पण बंद झालिये...
मी तर काहीच केल नाहीये ... कसे सांगू?...

मैत्रीणीन्नी पण साथ सोडली आहे माझी
काल पर्यंत लाड करणार्या काकू पण
कश्या वेगळ्याच बघताहेत ....
आई सुद्धा रडत असते सतत ...

दुखते आहे मला आणी हिच्या डोळ्यात पाणी...
मी तर काहीच केल नाहीये ... कसे सांगू?...

मी म्हणाले तिला .. आई तू कशाला रडतेस?
मी सहन करेल ना हे दुखण.....
रडत रडतच आई बोलली .....बाळ...
दोन दिवसंच नाही ग ...जन्मभराच ग आहे ते दुखण.
बाबा सुद्धा उदास उदास आणी घर पण भासतय भकास .....

मला कळत नाहीये काय चुकलय माझ?
मी तर काहीच केल नाहीये ... कसे सांगू?...


सुनील जोशी
२८/०८/२००८