उपरती

तू ना आता कसाही वागलास माझ्याशी
तरी मी तुझ्याशी चांगलच वागणार आहे ....

तू कसा छान वागायचास आधी ...
तो मोगरा सुगंधी आणून माळायचा
माझ्या त्या लांब सड़क केसांत ....

मीच करंटी होते रे ....
फैशन च्या नादात ... बॉय कट केला ...
अन् त्यानंतर तू किती भड़कलास ...
तुझ्या चेहेर्यावरचे उडालेले रंग
कोण गुदगुल्या झाल्या होत्या मला ...

दिवस धकत गेलेत ..वर्ष सरत गेलीत...
आता बाजारात गजरे दिसलेत ना ...
की मला तुझा म्लान चेहरा दीसतो
त्या चेहेर्यावरचा तो सात्विक संताप
आणी मग हळु हळु वाढत जाणारा तो तामसी क्रोध ...
कुठं कुठं कमी नाही पडले मी तुला चिथावण्यात ....

सगळा उंदरा मांजरा चा खेळ खेळत अन् खेळवत होते

आज एकदम उपरती झालीये ....
मी आता ठरवून टाकलय...की ...
तू ना आता कसाही वागलास माझ्याशी
तरी मी तुझ्याशी चांगलच वागणार आहे ....
जसं जमेल तसं तुझं मन जिंकायचा प्रयत्न करणार आहे ....

सुनील जोशी
१७/०८/२००९