Saturday, February 20, 2010

शुन्य महिमा

एक टिम्ब एक शुन्य
वाढे शुन्य होई ब्रह्मांड
शुन्यातुनी आले अन
शुन्यची जहाले हें विश्व

शून्यासह ब्रह्मांड
शुन्याविण ब्रह्मांड
शुन्यवत ब्रह्मांड
शुन्य महिमा

शुन्यासी किंमत
स्वतःची न काही
परी वाढवी मूल्य
शुन्य इतरांचे

नवावरी नऊ शुन्य
होई नवकोट नारायण
जी परी सर्व इथेच सोडून
होई अन एक महाशुन्य

शुन्याने भागिले शुन्याला
जन्म अन अनंताचा जाहला
शुन्यातुन अनंत निर्मिला
असा शुन्याचा महिमा

राधे विन कृष्ण शुन्य
कृष्णाविन राधा शुन्य
कृष्णासह राधा ब्रह्मांड
अन ब्रह्मांड एक शुन्य

सुनील जोशी
१८/०२/२०१०

1 comment:

  1. shevati shynyatun jag ahe sir...ani shunyala bhartat pratham sthan midale

    ReplyDelete