अदृश्य

सुर्यास्ताच्या पडद्याआड
तू झालास साक्षात अग्नी
अन् त्या कुंडात घेतली उडी
मी... मी एकटीनेच

तू, तू होतासच अर्थात
साक्षात अग्नीरुपच् तू
आयुष्य जगलोच आपण
तेव्हा अन् आताही एकत्रच

त्या तरंगांवर दरियाच्या
आयुष्य होतो जगलेलो
खवळलेल्या लाटांवर पण खेळलो
आता शांतवलेल्या त्याच दर्याच्या

अंधारुन आलंय चोहिकडून
आणि त्या काळाच्या पडद्याआड
झालोय आपण अदृष्य जणू...
अर्थात सगळ्या जगासाठी

पण मी आहेच की रें
तुझ्यातच सामावलेले
कुंडात तुझ्या उडी घेउन
दृश्य जगातुन अदृश्य झालेले...

सुनील जोशी
३१ मे २०१६